Kryeministri Edi Rama ka reaguar për herë të parë pas fitores së Edison Memollajt në Rrrogozhinë, të dielën në përsëritjen e zgjedhjeve.
Në një postim në rrjetin social “Facebook”, Rama shkruan se kandidati i PS ka thelluar rezultatin me një avantazh spektakolar.
Ndër të tjera ai shkruan se skuadra e Partisë Socialiste meriton një bravo të madhe pasi nxori mësimet e duhura nga gara e mëparshme.
“RROGOZHINA VETËM PËRPARA me Edison Memollajn dhe Partinë Socialiste
Pas rizgjedhjeve të djeshme në Rrogozhinë, kandidati ynë e thellon fitoren e 14 majit, ku doli përpara me 21 vota, me një avantazh spektakolar prej 1752 votash
Urime Edison dhe një bravo të madhe për të gjithë skuadrën tonë, e cila nxorri mësimin e duhur nga gara e mëparshme, duke u angazhuar dhe organizuar ende më mirë, për të dalë shumë më lart në zgjedhjen e djeshme pjesore”, shkruan Rama.
Kujtojmë që zgjedhjet në Rrogozhinë u fituan në të dyja herët nga Edison Memolla. Në zgjedhjet e 14 Majit fitoi me një diferencë prej 21 votash. Pas ankimimeve të opozitës Kolegji Zgjedhor vendosi që zgjedhjet të përsëriteshin më 23 Korrik. E nga votimet e djeshme ai fitoi me 1752 vota diferencë./Opinion.al
