Kryeministri Edi Rama, të shtunën, pas mbledhjes së qeverisë në Korçë; deklaroi se mbështet deri në fund zbardhjen e të vërtetës për pretendimin e dhunimit të Xhisiela Malokut, nga djali i deputetit socialist.
Rama nënvizoi se për qeverinë e tij, askush nuk është dhe nuk mund të jetë mbi ligjin.
Kryeministri ndërsa iu referua punës së policisë dhe prokurorisë, theksoi se kjo çështje do të matearilizohet sa më parë, duke shtuar se PD dhe analistët po e dhunojnë vajzën në formë të turpshme.
Roli i policisë
Jetojmë në një kohë dhe fatkeqësisht në një mjedis, ku kjo kohë e mbrapsht e gënjeshtrës dhe e shpifjes së kthyer në terror informativ mishërohet tek partia kryesore e opozitës në këtë kohë. Unë nuk mund t’iu përgjigjem akuzave halucinante, për mua edhe për kolegët e mi. Sa më takon mua për vajzën, policia ka bërë punën e saj, ndërsa djali i deputetit nuk ka patur trajtim preferencial.
Abuzimi i vajzës në publik nga opozita dhe media
Për kryeministrin Partia Demokratike ka dhunuar së dyti së bashku me analistet. E kanë kthyer mish për top për interesat e tyre. Shpresoj që ju të bëni detyrën deri në fund, që të shpallim të vërteten në lidhje me një horr, të shpallur në hero. Ndërkohë që diskutojmë për këtë çështje, dhe bëjmë shumë mirë që diskutojmë, po ridhunohet publikisht vajza, jo vetëm nga PD, por edhe nga mediat, nga këndvështrimi im.
I pyetur pse nuk është arrestuar djali i deputetit të PS
Kryeministri Rama tha se është prokuroria ajo që duhet të vijojë hetimet, dhe më pas gjykata do të japë verdiktin e saj. Kreu i qeverisë u shpreh i vendosur në krah të vajzës, duke theksuar se ajo tashmë meriton drejtësi, dhe bëri apel që të mos përdoret si “mish për top” për qëllime politike.
Arrestimet nuk i bën qeveria, nuk i bën kryeministri, se po t’i bëja unë do kishit parë shumë deri tani, por fatmirësisht s’kam asnjë detyrë për këtë gjë, asnjë përgjegjësi, dhe është Prokuroria ajo që duhet të kryejë deri në fund hetimet, dhe të marrë vendimet për ta çuar hetimin drejt gjykimit. Ndaj jo vetëm unë, dhe as ju, nuk bëjmë arrestime. Ndërkohë që diskutojmë për këtë çështje, dhe bëjmë shumë mirë që diskutojmë, po ridhunohet publikisht vajza, jo vetëm nga PD, por edhe nga mediat, nga këndvështrimi im.
Rama për hetimin e deputetit
Deputeti duhet të hetohet njësoj si gjithë të tjerët nëse ka apo nuk ka implikim në këtë proces të drejtpërdrejtë. Por fakti është se askush nuk ka mundur të bëjë asgjë, edhe nëse ka tentuar, sepse policia e ka respektuar procedurën nga A te Zh, dhe ky është fakt. Le të shkojë kushdo ta hetojë. Shqipëria ka një ligj, ku çdokush mbi 18 vjeç përgjigjet vetë para ligjit, dhe askush nuk mban përgjegjësi përveçse ai që është përgjegjës, vajza meriton drejtësi, dhe të gjithë duhet t’ia kursejnë abuzimin, dhunimin, dhe përdorimin si “mish për top”, për qëllime politike.
Ndaj është prokuroria që duhet të çojë deri në fund hetimin, dhe pastaj i takon gjykatës të vendosë atë që duhet. Ne jemi në krahun e vajzës pa asnjë ekuivok. Për ne askush nuk është mbi ligjin, dhe jo djalë deputeti apo deputet. Dhe këtë e kemi treguar sa herë ka qenë nevoja.
