Kryeministri Edi Rama ka përmendur sërish sot në foltoren e parlamentit emrin e biznesmenit, Shefqet Kastrati. Duke marrë fjalën pas kreut të grupit të PD, Edmond Spaho që akuzoi për lidhje të Ramës me oligarkët (pa përmendur emra), kryeministri tha se këta nuk dinë gjë fare (deputetët e PD). Sipas tij, për kontributet e Shefqet Kastratit në PD duhet të pyesni Saliun dhe Lulin.
Rama: “Thotë profesori Oligarku i Rrugës së Kombit Shefqet Kastrati. Oligarku unë Çeti?! Çeti për Partinë Demokratike…. Saliu dhe Luli i dinë mirë kontributet e tij. Në gjithë këtë vorbull që krijohet këtu apo në banaqet e TV ku shfaqen mjeranët ne jemi të detyruar të jemi më pranë njerëzve. Sigurisht të themi çfarë kemi bërë. Ne duhet të bëjmë më shumë. Gjërat nuk janë në rregull, ne e dimë ku pikon çatia. Këta s’dinë gjë fare, këta janë në autobusin e dasmës që shoqeron kamionët me miell dhe furgonët me çizme”.
/Opinion.al
