Kryeministri Edi Rama, në konferencën e përbashkët me kryeministrin e Luksemburgut Xavier Bettel, u pyet nga gazetarët dhe për nisjen e hetimeve të SPAK ndaj kreut të Partisë së Lirisë Ilir Meta.
Kreu i qeverisë nuk pranoi të japë komente teksa tha se nuk flet kurrë në prezencë të miqve për çështje të politikës së brendshme dhe se ky është parimi i tij.
“Unë nuk flas kurrë në prezencë të miqve për çështje të politikës së brendshme ky është parimi im. Politika e brendshme nuk është një fushë që na takon ne si mikpritës të përfshijmë miq që jemi këtu për ti nderuar. Nuk flitet në gjuhë të huaj për probleme të politikës së brendshme për kundërshtarë politikë, për akuza dhe kundërakuza.”, tha ai.
