Aktualitet

Rama publikon videon nga aeroporti i Kukësit, kujton luftën në Kosovë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:54 - 20/04/21 |
Opi Nion

Kryeministri, Edi Rama, e ka nisur këtë mëngjes me një video të publikuar nga aeroporti i ri i Kukësit, “Zayed – Flatrat e Veriut”.

Fillimisht në pamjet e publikuara nga kreu i qeverisë shfaqen momente nga koha e luftës në Kosovë. Rama më pas thotë se Kukësi është veriu i Shqipërisë, por nga Kukësi dhe matanë prej andej nga erdhën vëllezërit dhe motrat tanë është veriu i shqiptarisë.

Në video së bashku me kryeministrin, shfaqet edhe ministrja e Infrastrukturës Belinda Balluku e cila shprehet se aeroporti i Kukësit do të shndërrohet në një pike të re të zhvillimit ekonomik në vend.

“Kukesi do të kthehet në një pikë të re të zhvillimit ekonomik të Republikës së Shqipërisë”, tha Balluku.

Më tej, kryeministri shprehet se Shqipëria është një vend i mrekullueshëm, por sipas tij, dora e mbrapshtë e robit se ka lënë të ngrihet. Gjithashtu, Rama thotë se Shqipëria nuk duhet të bëjë hapa pas, por duhet të ngrihet lart e më lart.

“Këtu në Kukës është veriu i Shqipërisë, por nga Kukësi dhe matanë prej andej nga erdhën vëllezërit dhe motrat tanë është veriu i shqiptarisë. Dhe në këtë veri të Shqiptarisë, u shkruajt një nga historitë më tragjike, por me fundin më të lumtur. Historia e spastrimit etnik, por edhe historia e luftës Çlirimtare të Kosovës. Zoti e ka bërë Shqipërinë për telha. Duket sikur e ka bërë ditën e diel, ku ka qenë pushim, e ka marrë me nge, e ka qëndisur në të gjithë trupin e saj. Ka qenë robi, dora e mbrapshtë e robit që s’e ka lënë Shqipërinë të ngre kokë, apo që ka bërë disa herë që Shqipëria ka ngritur kokë ia ka ulur përsëri. E tani që Shqipëria po ngre kokë s’duhet të lejojmë që të ulet koka përsëri, por duhet të bëjmë që koka e Shqipërisë të ngrihet më lart, e më lart, e më lartë”, u shpreh Rama./Opinion.al

 

Pas