Kryesore

Rama publikon videon e rindërtimit në Laç, PD: Nuk janë mbajtur premtimet


Bëhu pjesë e Grupit Zyrtar të Opinion.al
>> KËTU <<
               Publikuar në : 09:13 - 02/11/20 |
Opi Nion

Ditën e sotme kryeministri Edi Rama e ka nisur duke postuar në rrjetet sociale një video nga punimet e kantierit të ndërtimit në Laç pas shembjes nga tërmeti tragjik i nëntorit të vitit të kaluar.

Mirëmëngjes me kantierin e Rilindjes në Laç, ku zemra e qytetit po rizgjohet nga rrënojat e tërmetit, ju uroj një javë të mbarë“, shkruan Rama.

Në këtë kantier do të ndërtohen 13 pallate, 309 banesa individuale, shkolla, kopshte, qendër tregtare, 377 vendparkime, hapësira publike.

Ndërkohë, ka ardhur dhe reagimi i Partisë Demokratike. Drejtori i kabinetit dhe eksperti i ekonomisë në PD, Dorjan Teliti, thotë se Edi Rama nuk ka mbajtur asnjë premtim.

Sipas Telitit, në Laç vetëm janë lidhur kontratat për banesat individuale dhe janë hedhur themelet, por asnjë projekt nuk është prokuruar.

ER nuk mbajti asnjë premtim.  Ai shfaqet në sheshet e ndërtimit me regjinë qëndrore të propagandës dhe sapo ai ikën nga sheshi i teatrit të propagandës largohen dhe fadromat për t’u zhvendosur në një shesh tjetër, atje ku propaganda nis shfaqjen e radhës.

Në Laç, një vit pas tërmetit, vetëm janë lidhur kontratat për banesat individuale dhe janë hedhur themelet.

Për godinat publike, është paraqitur një projekt në 3D por nuk ka asnjë zbatim dhe asnjë projekt nuk është prokuruar.

Nuk ka propagandë dhe regji qëndrore që mund të fshehë të vërtetën”, shkruan Teliti./ Opinion.al

Pas