Policia ka vijuar ditën e sotme aksionin për lirimin e plazheve të zaptuara nga persona të cilët nuk janë të pajisur me leje.
Ditën e sotme, ka shkuar në Gjirin e Gjipesë, në Himarë dhe ka hequr çadrat dhe shezllonët, të cilat ishin vendosur pa leje duke detyruar pushuesit që të paguanin.
Lidhur më këtë aksion ka reaguar kryeministri Edi Rama, i cili ka publikuar një video, krahas ë cilës shkruan; “Kush e ka parë Gjirin e Gjipesë, një nga xhevahiret më fantastike të Mesdheut, e ka me siguri parasysh shtegun e dhive për të zbritur deri poshtë, nën shkëmbin gjigand të çarë si me thikë. Sot nëpër atë shteg u desh të zbriste policia, për ta çliruar gjirin nga zaptuesi i radhës, që u merrte lekë njerëzve pasi e kishte dhunuar atë bukuri të virgjër, me çadrat e me shezllonët e tij.”/ Opinion.al E.Xh.
