Kryeministri Edi Rama ka bërë publik vendimin e parë të qeverisë së re. Në një status në Twitter, Rama bën me dije se përfundoi mbledhja dy ditore informale me ministrat e rinj.
Ai thotë se vendimi i parë do të jetë që viti 2018 do të shpallet Viti i Skënderbeut.
“Mbyllëm diskutimin maratonë me skuadrën e re qeverisëse. Vendimi i parë i qeverisë do të jetë shpallja e vitit 2018 VITI I SKENDERBEUT”, shkruan Rama.
Dje dhe sot, Rama kishte mbledhur ministrat në një takim informal në një lokal në Llogara. Në takim u diskutua për planin e punës, riorganizimin për drejtorirtë që do të shkrihen dhe ndarjen e godinave ministrore. /tvklan.al
