Numri i personave të vaksinuar kundër COVID-19 në vendin tonë ka shkuar në 850 mijë në total.
Lajmi është konfirmuar nga kryeministri Edi Rama përmes një postimi në rrjetin social “Facebook”. Kreu i qeverisë ka publikuar një foto me shifrën “850 000”.
Fushata e vaksinimit në vendin tonë ka nisur që prej muajit janar. Deri tani në Shqipëri kanë marrë vaksinën kundër Covid personat mbi 60 vjeç, “bluzat e bardha”, uniformat blu, punonjës të medias, transportit publik dhe turizmit.
Prej disa javësh situata e pandemisë paraqitet e qëndrueshme dhe duke u nisur nga ky fakt Bashkimi Evropian ditën e sotme hoqi kufizimet e udhëtimeve me Shqipërinë./Opinion.al
