900 mijë vaksinime janë kryer që nga nisja e fushatës së vaksinimit në Shqipëri.
Shifrat janë publikuar nga kryeministri Edi Rama, nëpërmjet një postimi në faqen e tij zyrtare në “Facebook”.
Më herët kreu i qeverisë ka deklaruar se objektivi është kryerja e 1 milion vaksinimeve brenda muajit qershor.
Javët e fundit në vendin tonë numri i viktimave dhe i rasteve të reja është ulur ndjeshëm. Sot ministria e Shëndetësisë deklaroi se në 24 orët e fundit nuk janë shënuar viktima, teksa janë konfirmuar 5 raste të reja me koronavirus./Opinion.al
