Kryeministri, Edi Rama, ka publikuar këtë mëngjes, në rrjetin social “Facebook” pamje nga kantieri i ndërtimit të banesave të dëmtuara nga tërmeti i 26 nëntorit në qytetin e Laçit.
Krahas videos së publikuar, Rama shkruan se në Laç po kryhet transplanti i zemrës së qytetit, teksa thekson se shumë projekte po realizohen nga bashkëpunimi mes qeverisë shqiptare dhe asaj turke.
“Mirmëngjes dhe me Rilindjen e Laçit, ku po kryhet transplanti i zemrës së qytetit, falë një sërë projektesh nga një bllok i ri banesash me mbështetjen e qeverisë turke, tek blloku tjetër i banesave të reja, rikonstruksioni i banesave ekzistuese, shkollat e reja, spitali i ri, bashkia e re, si edhe infrastruktura e re nëntokësore e qytetit me financim të qeverisë shqiptare, ju uroj një ditë të mbarë”, shkruan Rama./Opinion.al
