Kreu i qeverisë, Edi Rama ka publikuar disa mesazhe të qytetarëve në faqen e tij zyrtare në “Facebook”, dhe ka dhënë një tjetër mesazh paralajmërues për zaptuesit e plazheve.
Kryeministri shkruan se vazhdon pa pushim lufta për çlirimin e plazheve, ndërsa sipas tij ky sezon do të jetë i fundit me këtë hall të madh për njerëzit dhe turp të madh për vendin e për shoqërinë. Rama shkruan se me ligjin e ri për vijën bregdetare, përgjegjësinë për mbrojtjen e kësaj pasurie publike, të pushuesve e të bizneseve të rregullta, pa miq nëpër bashki e pa lekë për zyrtarucët bashkiakë, do ta marrë shteti.
“Vazhdon papushim lufta për çlirimin e plazheve nga zaptuesit, falë edhe qytetarëve që nuk heshtin?Ky sezon do të jetë i fundit me këtë hall të madh për njerëzit dhe turp të madh për vendin e për shoqërinë?Me ligjin e ri për vijën bregdetare, përgjegjësinë për mbrojtjen e kësaj pasurie publike, të pushuesve e të bizneseve të rregullta, pa miq nëpër bashki e pa lekë për zyrtarucët bashkiakë, do ta marrë shteti”, thekson Rama.
