Pas debateve të ashpra në lidhje me postin e kryetarit të bashkisë së Shkodrës, kryeministri Edi Rama ka nisur të publikoj projektet që do të investohen në këtë qytet.
Përmes një postimi në “Facebook”, Rama ka publikuar foto të cilat tregojnë investimet tek liqeni i Shkodrës. Krahas fotove, kryeministri shkruan se ka nisur faza e parë e këtij projekti, për të cilin qeveria shqiptare ka siguruar një financim të Bankës Europiane për Rindërtim e Zhvillim dhe Komisionit Europian.
Postimi i Ramës
“SE SHPEJTI… Ja se si do të transformohet vija e liqenit të Shkodrës nga Shiroka, ku ka nisur faza e parë e këtij projekti, e deri në Zogaj? Pēr këtë projekt, Qeveria Shqiptare ka siguruar një financim të Bankës Europiane për Rindërtim e Zhvillim dhe Komisionit Europian???” – shkruan Rama, bashkëngjitur fotove./ Opinion.al E.Xh.
