Ditën e sotme kryeministri Edi Rama ka publikuar disa foto nga punimet që po zhvillohen në bashkitë e Vau të Dejës, Përmet, Mat dhe Selenicë
Krahas fotove, Rama shkruan se kryetrarët e bashkive të dalë nga 30 qershori vijojnë punën për të zhvilluar qytetet ku janë zgjedhur.
Po ashtu Rama shprehet se pas zgjedhjeve të 30 qershorit, asnjë punonjës bashkie i opozitës nuk është larguar, përveçse atyre që kanë dhënë dorëheqje.
Postimi i Ramës
Vau i Dejës, Përmet, Mat, Selenicë – Vijon papushim heqja e zhulit, plehrave e ferrave nga territoret, ku pas largimit të kryebashkiakëve revolucionarë, punonjësit e pastrimit nuk paguhen më si turistë politikë, për të mbushur radhët e protestave antishtet në Tiranë, po janë kthyer në punën e tyre në shërbim të komuniteteve?
E meqë ra fjala, deri tani askush s’është larguar nga puna në ish-bashkitë e djathta (përveç ca kokave të mëdha e të pagdhendura politike, që kanë ikur me dorëheqje) dhe do të largohet vetëm kush nuk do të dojë t’i futet punës; në 30 qershor Shqipëria nuk votoi për të majtën po për TE DREJTEN dhe unë do të bëj çmos që askujt të mos i mohohet padrejtësisht, e drejta për të treguar se e do dhe e bën si duhet, punën që ka./ Opinion.al E. Xh.
