“PS është në një proces tjetër të transformimi të brendshëm dhe hapjeje”. Kështu u shpreh kryeministri Rama pas mbledhjes së kryesisë së PS në selinë rozë.
Më tej ai tha se ky proces do të zhvillohet paralelisht me analizën e rezultateve të çdo qendre për zgjedhjet e 25 prillit.
“Një proces tjetër të transformimi të brendshëm dhe hapjeje dhe në bazë të disa vendimeve puna në territor do të zhvillohet paralelisht për analizat e rezultateve qendër për qendër, për të verifikuar cilësinë e përfshirjes të gjithë anëtarëve të PS në zgjedhje në raport me rezultatet dhe njëkohësisht për ta hapur partinë për prurje të reja nga shoqëria pavarësisht moshës dhe për të krijuar një bazë të re për të ecur më tutje”, u shpreh Rama./Opinion.al
