Kryeministri Edi Rama thotë se nuk do të jap dorëheqjen pavarësisht protestës së opozitës. Në një postim në Twitter, si shkruan se protesta e opozitës nuk i bëri asgjë dot qeverisë, por goditi Shqipërinë në sytë e botës. Rama thotë se opozita i dha material atyre që ajnë kundër negociatave me BE.
“Çfarë trishtimi pasqyra e shëmtisë së djeshme nëpër mediat e dynjasë!Politika qorre e një opozite pa vizion, pa program, pa lidership, nuk i bëri asgjë dot qeverisë po goditi Shqipërinë në sytë e botës dhe u dha material të tërë atyre që duan sebepe kundër negociatave me BE #TURP”, shkruan Rama.
Në të njëjtën kohë Lulzim Basha nga selia e PD-së tha se misioni që opozita ka nisur nuk do të ndalet, deri në çlirimin e Shqipërisë. Ai tha se janë ndjekur të gjitha rrugët për të denoncuar vjedhjen e votës por përballë nuk është një qeveri që dëgjon, por një qeveri e dalë nga lekët e drogës.
