Kryeministri Rama ka njoftuar sot krijimin e një ministrie të re për të organizuar dhe koordinuar punën për programin e rindërtimit pas tërmetit të 26 nëntorit.
Në një propozim dërguar presidentit Meta, kryeministri ka propozuar Arben Ahmetajn si ministër Shteti për Rindërtimin.
““Programi i Rindërtimit dikton hapjen e një vendi të posaçëm edhe në tryezën e Këshillit të Ministrave,ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program,të ndjekë orë e minutë zbatimin e Programit”, shkruan Rama në Twitter.
Programi i Rindërtimit dikton hapjen e një vendi të posaçëm edhe në tryezën e Këshillit të Ministrave,ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program,të ndjekë orë e minutë zbatimin e Programit? pic.twitter.com/vYlIxkCFOJ
— Edi Rama (@ediramaal) December 13, 2019
Arben Ahmetaj ka mbajtur më parë postin e Ministrit të Ekonomisë dhe Financave, ndërsa aktualisht është kryetar i Komisionit Parlamentar të Ekonomisë.
Tani pritet nëse Presidenti Meta do të dekretojë krijimin e një ministrie të re me Ahmetajn në krye. /Opinion.al
