Mbërritja e Kryeministrit Rama në Gjirokastër është shoqëruar me protesta të mbështetësve të opozitës të cilët kanë tentuar të bllokojnë rrugën nacionale.
Nga ana tjetër policia ka reaguar duke u munduar ti zhvendosë protestuesit në anë të rrugës për të mos lejuar bllokimin e rrugës. Kjo ka sjellë dhe përplasje mes protestuesve dhe policisë.
Këtë pasdite Kryeministri Rama kishte paralajmëruar takimin e tij elektoral në Gjirokastër. Më herët ai ishte në Përmet ku gjithashtu u prit me protesta nga mbështetës të opozitës të cilët kërkonin dorëheqjen e tij.
Megjithëse Presidenti Meta ka anulluar datën e zgjedhjeve vendore të 30 qershorit, Partia Socialiste vijon të zhvillojë fushatën elektorale ndërsa Kryeministri Rama shprehet i sigurt se zgjedhjet do të mbahen më datë 30 dhe se dekreti i presidentit është anti-kushtetues. /Opinion.al
