Kryeministri Edi Rama ka prezantuar ditën e sotme ministrit e ri të Brendshëm, Fatmir Xhafaj. Gjatë takimit me deputetë dhe drejtues të policisë, Edi Rama u shpreh se është i bindur se Xhafaj do të vazhdojë reformimin e policisë.
Kryeministri e vuri theksin tek lufta ndaj kanabisit. “Viti 2017 do të jetë fundi kësaj historie”, tha ai.
“Pas shkatërrimit të republikës së turpit në Lazarat dhe rezultateve kundër kultivimit të kanabisit kemi të gjitha arsyet që ta konsiderojmë 2017 vitin që i vë kapak kësaj historie të gjatë, që nuk filloi në 2013, por që në 2017 janë të gjitha premisat që të ketë edhe epilogun e saj”, u shpreh Kryeministri. /Opinion.al
