Në Asamblenë Kombëtare të mbajtur ditën e sotme, kryeministri Edi Rama ka njoftuar se vitin e ardhshëm qeveria do të akordoj një fond të posaçëm pre 100 milion dollarësh që do të shkojnë për rritjen e pagave dhe pensioneve.
Rama bëri me dije se pagat dhe pensionet do të pësojnë një rritje më të madhe se ato të katër viteve të qeverisë së mëparshme.
“Nuk do të ketë më rritje taksash dhe në radhë të dytë është fakti se do rrisim pagat. Por mund të them se do ti rrisim pagat më shumë se sa i ka rritur qeveria e shkuar. Jemi të vetëdijshëm se reformat nuk do kishin pasur as ritmin, as impaktit të tyre nëse nuk do kishim pasur mbështetjen e shumicës së popullit dhe mirëkuptimin e opinionit publik. Ne do ti ndajmë 100 mln dollar në formë rritje rrogash dhe pensionesh”, tha Rama.
Kreu i Qeverisë pohoi se mbeten për t’u saktësuar detajet e planit, por me nënvizoi faktin se do të ketë rritje të pensioneve dhe pagave.
“Me buxhetin e vitit të ardhshëm do rrisim pagat dhe pensionet, mbetet ende për tu saktësuar në detaje plani i rritjes së pagave por ajo që them është se do ti rrisim pagat më shumë se Berisha në çdo vit të saj, më e lartë e pagave në vit. Reformat në fund të ditës kanë impaktuar duke shkaktuar dhimbje e vështirësi te njerëzit që na mbështesin, duhet që edhe ata në fund të 4¬-vjeçarit të parë meritojnë të shpërblehen për gjithë këtë punë që e konsideroj të përbashkët”, pohoi Rama.
