Kryeministri Edi Rama ka vijuar edhe ditën e sotme takimet elektorale për zgjedhjet e 11 majit.
Nga Gjirokastra, Rama ndërsa po flisle për arritjet e qeverisë në këto tre mandate, foli edhe për pensionet.
Kryesocialisti ritheksoi se brenda vitit 2030 pensionet do të jenë mesatarisht 400 euro dhe nuk do të ketë pension nën 200 euro.
Pjesë nga fjala e Ramës:
“Kjo është fushata e parë që flas për pensionet. E kam thënë që do duhet të rritemi ekonomikisht. Pikërisht pse ekonomia ka filluar të japë rezultate, kemi më shumë të ardhura. Na u krijua mundësia të rrisnim bonuse, pastaj me dy bonuse.
Po të shikoni te bonunset kemi dy nivele, deri në 200 euro dhe mbi. Pensioni mesatar do shkojë 400 euro në Shqipërinë e vitit 2030 dhe për të arritur të mos ketë në Shqipëri pension nën 200 euro. Kjo situatë është ai 80 e kusur vjeçari që nuk di çfarë flet më dhe do të bëj çorapë Shqipërinë se është i pashpresë. Ai është autor i situatës së pensionistëve të bllokut të parë.”
