Edhe këtë 5 maj, politika përkujtoi e ndarë Dëshmorët e Atdheut. Në ceremonialin zyrtar ishin fillimisht Presidenti Meta, Kryeministri Rama, kryebashkiaku Veliaj e përfaqësues të mazhorancës, ato të cilët zhvilluan homazhet në Varrezat e Dëshmorëve të Kombit. Kreu i opozitës dhe përfaqësues të Partisë Demokratike zhvilluan homazhe pas tyre.
Por ndarja u thellua dhe më tej, teksa kryeministri Edi Rama në një takim për këtë ditë tha se opozita kërkon të pengojë atë që kërkuan dëshmorët: Çeljen e negociatave.
“Sfida jonë është për çeljen e negociatave. Por një forcë e brendshme kërkon të pengojë negociatat, duke e kthyer këtë në një argument të politikës së ditës”, theksoi Rama, duke akuzuar opozitën. Sipas tij reformat në vend duke përfshirë sistemin e drejtësisë nuk po bëhen se i kërkon Brukseli, por se i këkron e ardhmja.
Shefi i qeverisë tha se ka një vijë ndarëse mes historisë së luftës dhe atë që erdhi më pas.
“Të mos e ngatërrojmë luftën me atë që ndodhi pas luftës me regjimin diktatorial. Ajo që bëri lufta anti-fashiste ishte vendosja e popullit shqiptar në anën e duhur të historisë. Jo me pushtuesit, por me çlirimtarët. Jo me humbësit por me fituesit. Ajo që prodhoi pas lufta nuk ishte ana e duhur e historisë”, tha Rama./Opinion.al
