Kryeministri deklaroi se policia e Shtetit është sjellë në mënyrë europiane, pasi sipas tij edhe në BE, edhe në Amerikë ka neutralizime të tilla.
Sipas tij, policia është provokuar dhe sulmuar fizikisht, dhe është gjetur në pozitë të vështirë.
“Policia e Shtetit është sjellë në mënyrë europiane. Nuk kam parë asnjë skenë, asnjë pamje, asnjë provë, për të kundërtën. Edhe në BE, edhe në Amerikë shikoni nëse dicka e tillë konsiderohet apo jo dhunë. Mesa duket duhet të biem dakord për fjalën “dhunë”, se cfarë nënkuptojmë me këtë fjalë. Po flasim për një vend normal tashmë, kur më herët kërdiseshe po të ishe gazetar, janë plagosur me kallashnikovë gazetarë dhe janë vrarë njerëz nga kryeministria.
Policia ka thënë se aty do ndërhyhej dhe largimi fizik i një personi është krejt normal. Unë madje mendoj se Policia e Shtetit është provokuar dhe sulmuar fizikisht, është gjetur në pozitë të vështirë. Aty nuk kishte artistë e qytetarë, por kishte një grup politik. Edhe në Amerikë ka neutralizime normale, keni parë përpara Shtëpisë së Bardhë teksa shoqërojnë. Këto janë pamje të neutralizimit të personave që hidhen mbi policinë. Kjo është procedurë normale edhe në Europë”, tha Rama në një lidhje live me “News 24”./Opinion.al
