Kryeministrit Edi Rama është takuar me kryeparlamentarin Ilir Meta në Kryesinë e Kuvendit. Takimi ‘kokë më kokë’ mes Ramës dhe Metës ka zgjatur rreth 60 minuta.
Nuk dihen shumë detaje, pasi stafet janë treguar shumë të rezervuara në deklarata, por ky takim vjen para nisjes së proceduarave për zgjedhjen e presidentit të ri.
Mandati i presidentit Bujar Nishani përfundon në 24 korrik.
Ndërkaq, Ilir Meta ka njoftuar se ditën e nesërme në orën 10:00 do të mbledhë Konferencën e Kryetarëve për nisjen e procedurave për zgjedhjen e Presidentit.
Kujtojmë që po sot kreu i grupit parlamentar të Partisë Socialiste, Gramoz Ruçi i kërkoi kryeparlamentarit Meta që të nisë procedura për zgjedhjen e Presidentit të ri, duke nënvizuar se të enjten duhet të mblidhet Konferenca e Kryetarëve dhe më 18 prill të zhvillohet raundi i parë i votimit.
