Kryeministri Edi Rama ka dalë sot në një deklaratë për mediat nga selia e qeverisë. Ndryshe nga herët e tjera kur Rama është tallur me kerkesat e opozitës, sot shfaqet i zymtë dhe deklaron se në vend po ndodh ajo çfarë nuk ka ndodhur kurrë: Opozita po refuzon të ulet në tryezë me qeverinë. Po krijon një krizë artificiale në vend.
Pjesë nga deklarata e Ramës
Eshtë opozita zyrtare dhe jo qeveria që refuzon dialogun. Vendi ka kaluar kriza politike reale, por kjo e sotmja është një krize artificiale, ku populli nuk është fare. Kjo është kriza e politikanëve e gjyqtarëve dhe analistëve të korruptuar. Në çdo lloj situate, ka qenë opozita që ka kërkuar dialog dhe qeveria e ka shmangur duke detyruar ndërkombëtarët të ndërhyjnë. Kkurrë s’ka ndodhur të lutet qeveria për dialog dhe opozita të refuzojë”.
Jam përsëri këtu për të thënë: Hajde të ulemi në tryeze pa kushte. Kam mbështetur edhe nismën e Presidentit edhe pse më parë kam patur rezerva për qendrimet e Nishanit, pasi kishte një vullnet të mirë. Jam i trishtuar për gjithçka që dëgjoj nga miqtë e parnetët. Kjo krizë artificiale për të mos zbatuar ligjin e Vetingut, po rrezikon hapjen e negociatave. Po na bën qesharakë në sytë e botës., dekurajon edhe inevstitorët.
Mos shiko armiq aty ku nuk ka, duke sulmuar ndërkombtarët. Përcaktoji vetë gjithë modalitetet e uljes në tryeze. Nese ke frike nga une, propozo një rruge dialogu që ty të duket më e lehte. Ke thene qe deshiron të ulen të tjerët për të përgatitur tryezen, përpara se sa të ulesh ti në tryeze. Eshtë absurditet, po s’ka problem. Cakto njerëzit e tjere, kë të duash, cakto vendin e orën dhe njerëzit tanë do jene aty. Vetem mos u vono dhe mos na vono..”
