Kryeministri Edi Rama ka mbajtur një fjalim të gjatë nga foltorja e parlamentit, pasi opozita e kishte braktisur atë. Ai foli edhe një herë për audiopërgjimin, duke shprehur bindjen e tij personale se është mashtrim, është i montuar. Ai iu drejtua qytetarëve se mund të dalin pa frikë në protestë sepse askush nuk i prek me dorë. “Koha kur shkoje në proteste dhe ktheheshe në morg ka vdekur”, u shpreh ai, por u kujdes tu thotë gjithashtu se Partia Demokratike po i përdor në këtë histori.
Fjalimi i Ramës në parlament:
Kjo historia me përgjime ka një fund të qartë dhe të padiskutueshëm nga askush: Bëhet fjalë për fakt dhe jo opinion. Pra o është autentik o i fabrikuar. S’ka nevoje ta thotë askush këtu në Shqipëri. Unë e përsëris prapë. E di rezultatin! Ajo që thuhet se unë po intimidoj prokurorinë është qesharake. Se prokuroria s’do thotë asgjë, thjesht prokuroria duhet ta çojë për analizë shkencore. Laboratori shkencor nxjerr është apo nuk është autentik. Unë që u kam thënë publikisht se kjo është një histori banale dhe audiopërgjimi se ska lidhje me personin në fjalë po ua përsëris prapë.
Por historia që fshihet pas saj është më e hatashme. Këtu janë vetëm aktorët. Do të dalin regjisorët dhe skenaristët nga hetimi. Ai ditziu i Vlorës është si personazh i neonazizmit çfarë i thonë bën. Gjithsesi këtë t’ia lëmë prokurorisë. Ajo që na duhet është analiza e zërit dhe jo në privat por në një laborator shtetëror të një vendi partner me Shqipërinë.
Çfarë do mendoni për veten pasi të dalë kjo që po po u them unë? Bëhet fjalë për një tallje të madhe me të gjithë Ju, që synon destabilizimin e vendit, jo thjesht një skup mediatik.
Si do ju duket vetja pasi të dilni në protestë se keni dalë në protestë për të parë një film? Si do ju duket vetja? Zgjedhja është e lirë.
Fatmirësisht koha kur shkoje në protestë por ktheheshe në morg ka vdekur! Koha kur shkoje në protestë dhe ktheheshe në ilegal me brinjtë të thyera ka vdekur. Në protestë të dalë kush të dojë nuk e prek kush me dorë, natyrisht duke ruajtur disa vija. Çështja është tek tallja e madhe. Mendojeni këtë që po ju them në mënyrë që të mos u duket vetja të keqpërdorur pas protestës.
/Opinion.al
