Kryeministri Edi Rama ditën e sotme ka postuar një mesazh në rrjetet sociale lidhur me dy sfidat e qeverisë, tërmetin e 26 nëntorit 2019 si dhe pandeminë COVID-19.
Rama shkruan se askush nuk e besonte se pas tërmetit do t’ia dilnin rimëkëmbjes së mijëra familjeve të mbetura pa banesa.
Më tej, ai shton se po njësoj do t’ia dalim edhe me vaksinimin të të gjithë qytetarëve hap pas hapi duke kapërcyer vështirësitë.
“Mos e harroni që të nesërmen e tërmetit askush s’e besonte që do t’ia dilnim rimëkëmbjes së atyre mijëra e mijëra familjeve të mbetura pa strehë – por ne po e fitojmë hap pas hapi betejën erRindërtimit, për të gjitha ato familje dhe për Tiranën, Durrësin, Kurbinin, Krujën, Vorën, Kamzën, Lezhën, Mirditën, Kavajën, Rrogozhinën e krejt Shqipërinë.
Po njësoj do t’ia dalim vaksinimit të të gjithë qytetarëve të këtij vendi, hap pas hapi, duke e kapërcyer malin e vështirësive, siguruar të gjitha dozat e nevojshme dhe vaksinuar krejt popullin aspak më vonë se sa vendet e tjera, në Europë e në rajon po se po”, shkruan Rama.
