Kryeministri Edi Rama po zhvillon takimin përmbyllës të fushatës për zgjedhjet lokale.
Rama tha se plani i opozitës ka dështuar, ndërsa shtoi se partitë opozitare janë kthyer në disa organizata dhunshme.
Po ashtu, kryeministri thumboi dhe presidentin Ilir Meta, duke thënë se është shfaqur si Haxhi Qamili i ringjallur.
“Ata që sot janë në përpëlitjen e fundit u angazhuan me një plan tërësisht të qartë për të gjithë dhe të dështuar përgjithmonë. Kurrë më parë në historinë nuk kishte ndodhur ajo që ka ndodhur në harkun e këtij viti, një opozitë keq e më keq, zi e më zi. Nuk kishim parë që disa parti të transformoheshin në organizata të dhunshme dhe godina e Presidentit të kthehej në epiqendrën e shtabit të një revolucioni imagjinar dhe Presidenti të na shfaqi si Haxhi Qamili i ringjallur. Kurrë më parë Shqipëria nuk ishte vënë në një sulm të koordinuar që nuk synonte thjeshtë të fuste frikën dhe tmerrin në çdo familje, por të gjunjëzonte vetë imazhin e vendit. Autorët e këtij plani nuk e fshihnin gëzimin, por shfaqeshin të entuziazmuar. Plani nuk synonte rrëzimin e qeverisë, por të Shqipërisë për negociatat. Të katërt aventurierët e marrë, për Saliun nuk po u flas. Po të ishte sot këtu do të thoshte në Vlorë u mblodhën 2 milionë, por në fakt nuk janë aq, por 20 mijë, bio nga Vlora e historisë, jo turistë”,-tha Rama./ Opinion.al E.Xh.
