Gjatë daljes për mediat kryeministri Edi Rama është përplasur me gazetaren e televizionit faxnews.
Ajo e ka pyetur se pse duhet t’ju besojnë shqiptarët kur ju keni dhënë garanci për Elvis Roshin dhe Saimir Tahirin të cilët sot janë nën hetim, por Rama ka deklaruar se ju qëndron strikt atyre që ka thënë më parë për Tahirin .
“Së pari se pse duhet të më besojnë shqiptarët mua, lejani shqiptarëve. Unë kam qendruar strikt sepse i jam referuar atyre që kam ditur në rastin e parë dhe nuk u heq asnjë presje atyre që kam thënë për Saimir Tahrin. Në rastin konkret nëse është cenuar moralisht figura e ministrit të Brëndshëm e kam thënë ai do të fllojë të rri në krye të zyrës sëpse e bën me rezultate domethënëse punën e tij”, u shpreh Rama.
Por nuk është mbyllur me kaq pasi gazetarja ka këmbëngulur duke ju drejtuar kryeministit nësa ka në PS persona që nuk kanë kushërinj apo vëllezër që merren me trafik droge e që të drejtojnë këtë Ministri të rëndësishme.
Rama i është kthyer gazetares duke i thënë: “Pyet pronarin, se dhe ai ka nje vëlla, a do ishte ai i gatshëm që të jepte llogari për vëllain e tij. Pyesni pronarin tuaj dhe thuaji që a ka ai ndonjë përgjegjësi për vëllain? Se janë edhe në të njëjtën fushë të dy”, i ka thënë Rama gazetares.
Gazetarja Ambrozia Meta e ka marrë sërish fjalën duke e pyetur për të njëjtën çështje, por Rama ka braktisur konferencën. I nervoruar ai i ka thënë gazetares “hajd vazhdoje ti konferencën”./Opinion.al
