Kryeministri Edi Rama ka gjetur një “surprizë”, teksa është ulur ne vendin e tij në Parlament. Një palë syze, ngjyrë blu, ishin vendosur në tavolinën e tij të punë. Reagimi i Ramës shkaktoi të qeshura në sallë, ndërsa kryeministri ua tregoi të gjithë deputetëve të tjerë në sallë.
Po ashtu gjatë fjalës së tij, Rama ka shkëmbyer disa batuta me deputetin e opozitës parlamentare, Kujtim Gjuzi, siç ka ndodhur edhe herë të tjera.
“Zotëria ka hallin e Monarkisë”, i tha Rama. “Por janë halle luksoze në krahasim me hallin e tyre. Kështu që hallet tuaja luksoze mbajini vetë. Se erdhi se nuk erdhi Monarkia, ti je Mbret, nuk të lëviz njeri nga froni, je Mbret pa Mbretëri, por Mbret je”.
“Po të mos ishim ne të përgjegjshmit, ti nuk ishte aty ku je”, iu përgjigj Gjuzi.
“Ti nuk je i përgjegjshëm, por je më shumë, je Mbret. Por ulu aty se jemi ende Republikë”, iu përgjigj Rama./ Opinion.al
