Në një intervistë të dhënë për televizionin France 2, kryeministri Rama ka folur për një sërë çështjes për sa i përkasin vendit dhe reformave të ndërmarra nga qeveria. Rama është shprehur për raportet ekonomike në vend se nuk janë plotësisht të vërteta.
“Këtë vit kemi patur një kthesë të fortë për kultivimin e kanabisit. Ne kemi pasur një ulje dramatike. Kam besim të plotë që në fund të vitit kultivimi i kanabisit ka për të qenë histori. Mund të jemi të dobët ekonomikisht por nuk po vdesim urie. Jemi të varfër si vendet e rajonit. Kemi pasur rritje 3%. Kemi besim se do shkojë 5 %. Kemi pasur mbështetje nga emigrantët. Le të themi që shteti shqiptar nuk është i pasur, shqiptarët janë të varfër por jo aq sa mund të thonë shifrat, pasi ka para që vijnë nga emigracioni dhe është edhe ekonomia informale”, u shpreh Rama.
Nga ana tjetër ai foli edhe për mbetjet duke u shprehur se Shqipëria është i vetmi vend në rajon që nuk ka një ligj për riciklimin. Kreu i vendit tha se deri në fund të këtij viti do të asgjesojë të gjithë kanabisin dhe se shumë shpejt do të fillojë hapja e negociatave me BE-në.
