Kryeministri Edi Rama që pas deklaratës së presidentit Ilir Meta për shtyrjen e zgjedhjeve më 13 tetor, ka bërë seri reagimesh.
Më herët Rama ishte shprehur se opozita dhe Meta kanë vendosur që zgjedhjet të zhvillohen më 21 tetor, por mesa duket kryeministrit nuk i doli parashikimi.
Lidhur me datën e re të zgjedhjeve Rama ka bërë një reagim në “Instagram”, ku e lidh datën e 13 tetorit me ditëlindjen e ish-kryeministrit Sali Berisha, për të cilin thotë se Meta e ka si shpirt, kur shpirtin ia merr peng paniku.
“E paska lëvizur datën me 8 ditë, se 21-shi i binte e hënë ose pastaj e ka lexuar si 2 ditë para ditëlindjes së 1-shit, domethënë Doktorit, që e ka si shpirt kur shpirtin ia merr peng paniku”, shkruan Rama në Instagram duke postuar edhe një video./ Opinion.al E.Xh.
