Përmes një video në rrjete sociale Kryeministri Edi Rama është shprehur sërish për ngjarjen e një dite më parë në afërsi të shkollës “Petro Nini”, ku një familje është përplasur me përmbaruesit, pasi këta të fundit kishin shkuar për të ekzekutuar një vendim gjykate për shembjen e një banese. Ai iu përgjigj një qytetareje në Facebook duke thënë se policia bëri detyrën e saj, ndonëse sjellja e saj nuk ishte dinjtoze:
“E dashur Ema! Nuk e di çfarë di të lidhur me ngjarjen e djeshme në godinën përballë shkollës “Petro Nini Luarasi, përveç fotove dhe videove të ofruara nga kanalet dhe portalet në kërkim të audiencës duke provokuar thuajse qëllimisht irritimin e njerëzve pa u dhënë atyre asnjë informacion faktik, por do të them çfarë di unë pasi jam informuar në detaje për këtë histori, që ishte edhe për mua dje mesa munda të shoh irrituese.
Unë jam kontaktuar nga banorët e asaj shtëpia kohë më parë dhe e kam marrë informacionin se ata janë në konflikt me një palë tjetër. Pala tjetër e ka fituar me një gjyq të drejtën e trashëgimisë të asaj banese, ndërsa zotët aktual të shtëpisë e kanë humbur me vendim gjykate të formës së prerë të drejtën për të qëndruar në atë banesë. A është i drejtë vendimi i gjykatës? E kam thënë sa herë më është dhënë rasti që na pëlqejnë nuk na pëlqejnë vendimet e gjykatave në sistemin që kemi zgjedhur që në vitin 1991 nuk ka asnjë fuqi që i zhbën aq më pak qeveria. Ajo që qeveria mund të bëjë është ta reformojë sistemin e drejtësisë ta çlirojë nga korrupsioni dhe ta bëjë të denjë për Shqipërinë që duam për fëmijët tanë, natyrisht që ky çlirim nuk është një fjalë goje dhe nuk mund të bëhet sa hap e mbyll sytë, kërkon mund kërkon durim, kërkon kohë, por ajo që kjo qeveri nuk mund të bëjë është të bëjë është gjykatësin në vendimet e gjykatës.
Pra i drejtë apo i padrejtë vendimi për t’ia kthyer shtëpinë pronarëve të vjetër këtë as e dimë s nuk e vëmë dot në diskutim . Ashtu si kundër me ligj vendimet e gjykatës ekzekutohen nga përmbarimi dhe kur përmbarimi kërkon mbështetjen e Policisë së shtetit , Policia është e detyruar ta mbështesë në ekzekutimin e një vendimi gjyqësor të firmës së prerë, duke shkuar dje në mbështetje të përmbarimit policia zbatoi ligjin dhe pikë, por nga tjetër ashtu siç tha ministri i Brendshëm sjellja e saj nuk ishte dinjitoze. Por si përfundim u krijuan skena krejt të panevojshme me njerëz të shtrirë në rrugë dhe policia nuk dinte çfarë të bënte, po lëvizte si një trup pa kokë.
Reagimi i ministrit të Brendshme, se policia duhet të jetë me mendje dhe me zemër në lartësinë e syve te opinionit publik. Ministri liroi nga policia drejtuesin e Policisë së Tiranës, Kastriot Skënderaj. Kur mos me keni do më kujtoni, rëndësi ka që të na bashkojë gjithmonë qëllimi i mire,.-u shpreh Rama gjatë fjalës së tij./Opinion.al/
