Kryeministri Edi Rama ka reaguar për situatën e sotme në Kuvend.
Në një status në facebook, kryeministri Rama është shprehur se opozitës i kanë dhënë konsesus për atë që ata donin, por përsëri e bllokuan foltoren.
Rama: S’kanë ide duan sherr. U dhamë konsensus për atë që donin, po prapëseprapë e bllokuan foltoren. A di të ma thotë kush si mund të ndihmohen?
Në seancën e sotme, kryetari i Kuvendit Gramoz Ruçi përjashtoi kreun e PD, Lulzim Basha, pasi ky i fundit nuk iu bind urdhërit për të liruar foltoren e kuvendit, pas përfundimit të kohës.
Seanca nisi me debate për ngritjen e Komisionit të Reformës Zgjedhore.
Deputetët e Partisë Demokratike mbajtën të bllokuar për orë të tëra foltoren e kuvendit, çka çoi në ndërprerjen e seancës disa herë dhe shtyrjen e saj për në orën 18:00 të pasdites, kur maxhoranca miratoi disa vendime dhe kalendarin për tri javët e ardhshme të Kuvendit.
