Pasditen e sotme kryeministri Edi Rama është takuar me qytetarët e Beratit, nga ku nuk i ka kursyer akuzat ndaj Sali Berishës dhe Ilir Metës.
Gjatë fjalës së tij, Rama tha se Meta dhe Berisha janë bashkuar me njëri-tjetrin për shkak të problemeve që kanë me drejtësinë.
Kreu i qeverisë i paralajmëroi kundërshtarët politik, duke thënë se pavarësisht se ka vonuar, drejtësia në Shqipëri nuk do i harrojë.
“Ata i bashkon një tmerr i madh, sepse drejtësia vonon por nuk harron,. Drejtësia në Shqipëri ka vonuar kaq shumë sa na ka bërë të tërëve të dyshuar që e vonojnë me qëllim. Por ama drejtësia e vonuar në Shqipëri ka çdo ditë e më pak shanse të harrojë. Loja është gjithmonë e më e ngushtë për ata të na tregonin offshoret. Dhe unë u thoja këtyre, më duket se i kanë këta, se nuk mund ta akuzosh dikë për dicka që nuk e ke bërë vetë, pa prova, se nuk të shkon mendja. Po nuk pate bërë trafik droge, nuk i thua dot tjetrit trafikant, po nuk pate vrarë vetë, nuk i thua dot vrasës, ose nëse nuk e ke bërë, je në gjendje ta bësh nëse do jesh në atë pozicion. Kur na dolën ato offshoret, dhe prisni se janë si ato shishet me letra qëhidheshin nga anijet e mbytura. Janë shishet e para që po nxjerr anija e mbytur atje”-tha Rama.
