Kryeministri Edi Rama nga Luksemburgu është shprehur se ndihet i trishtë që Maqedonia e Veriut, ndryshe nga Shqipëria, nuk ka hyrë në fazën tjetër të procesit të integrimit në BE.
Rama tha se historia nuk mund të jetë arsye për të ndaluar bisedimet e anëtarësimit për një vend, duke nënkuptuar ngërçin mes Maqedonisë së Veriut dhe Bullgarisë.
“Ndihemi vërtet të trishtë që vëllezërit tanë të Maqedonisë së Veriut, ende nuk kanë qenë në gjendje për të hyrë në këtë fazë të procesit dhe pse kanë qenë të parët tanë. Kur flas për poshtërimet tonë, që na janë refuzuar tri herë, ndihem në siklet sepse më duhet të mendo për poshtërimin e RMV. Ajo ndryshoi dhe emrin. I qëndroj ajo që i kam thënë për miqtë bullgarë. Histori nuk mund të jetë arsye për të ndaluar bisedimet e anëtarësimit për një vend”,-tha Rama.
