Kryeministri Rama duket se nuk i ka dhënë një përgjigje të qartë pyetjes mbi pranimin nga ana e tij të një gare mbi liderin e Ps-së, por duket se ka mbajtur një qëndrim të qartë lidhur me këtë pikë. Ai shprehur në emisionin “Top Story”, se PS duhet të riformulojë statutin dhe se PS i është referuar modelit të Partisë Laburiste, ku lideri fitues është edhe kryeministër dhe mandati i tij është i konfirmuar nga vota.
“Pasi kemi kaluar vitin më të vështirë dhe shpëtuam vendin nga një kolaps energjitik që do të ishte edhe financiar dhe pasi kemi konfirmuar zgjedhjet e 2015, duke konfirmuar mbështetjen e 2013 dhe jemi mbledhur dhe kemi diskutuar nevojën të kthejmë sytë nga partia dhe riorganizimi i saj në të gjitha nivelet.
Në atë diskutim ne kemi vendosur që të hyjmë në një proces hapjeje dhe riorganizimi tërësor të PS-së dhe të bëjmë një referomë të strukturës, zgjedhje në të gjitha nivelet dhe për këtë çështje ja lëmë kongresit që të shprehet. Do të vendosë kongresë në liri të plotë.
Ne duhet të riformulojmë statutin dhe duhet të marrim modelet demokratike të partive që zgjedhin kryetarin me parimin 1 anëtar 1 votë dhe i referohemi modelit të Partisë Laburiste.
Kur partia fiton , lideri është edhe kryeministër dhe mandati i tij është i konfirmuar nga vota dhe mund të garantoje me statut të drejtën e bërjes së zgjedhjeve edhe gjatë mandatit”, pohoi Rama.
