Kryeministri Rama ka folur për herë të parë për Ben Blushin, i cili u largua nga Partia Socialiste për të formuar partinë e tij.
Në “Studio e Hapur” të Eni Vasilit, Rama ironizoi fort Blushin. Ai tha se Blushi ka patur dy kryeministra, Nanon dhe vetë Ramën.
Por sipas tij, ai nuk ka bërë asnjë punë.
“Meqë ka ikur nga partia mund të thyej heshtjen por për të thënë shumë thjesht, Ben Blushi ka patur dy kryetarë në parti Fatos Nanon dhe mua.
Me Fatos Nanon u bë nja tre herë ministër dhe s’bëri asnjë punë. Me mua s’bëri asnjë punë por bëri nja tre libra, romane.
Dhe e vetmja gjë që unë do t’i sugjeroja nëse do kisha mundësi do ishte që tani që është akoma me këtë mllefin atomik ndaj PS-së, të bëjë edhe një libër tjetër, një roman sepse kur të bëjë partinë e tij s’do bëjë më as punë dhe as romane. Kështu mendoj unë për Ben Blushin”, tha Rama.
