Pas ngjarjes së rëndë të ndodhur në Greqi, ku pas përplasjes së dy trenave raportohen 38 të vdekur, kryeministri Edi Rama ka përcjell një mesazh ngushëllimi për familjet e viktimave.
Përmes një postimi në “Twitter”, Rama shkruan se Shqipëria ndjen dhimbje për fqinjët në këtë moment kaq të vështirë për kombin e tyre, teksa shton se bashkohemi në lutjet e tyre.
“Sa keq të dëgjosh për humbjen e jetëve dhe shumë të plagosur në aksidentin tragjik të natës së kaluar në Greqi! Ne ndjejmë dhimbjen e fqinjëve tanë të dashur në një moment kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”, shkruan Kryeministri Rama në Twitter/Opinion.al
