Kryeministri i vendti Edi Rama ka kujtuar ditën e sotme sulmet terroriste të 11 shtatorit në SHBA.
Rama deklaron se 11 shtatori do të mbetet një ditë kujtese dhe vetëdijeje e botës demokratike për vlerat e lirisë dhe demokracisë. Nëpërmjet një postim në “Facebook” në 20-vjetorin e sulmeve terroriste, kryeministri e cilëson 11 shtatorin një ditë sulmi të urrejtjes barbare kundër qytetërimit.
“20 vjet më parë, 11 shtatori hyri në histori si dita e zezë e sulmit të egër të urrejtjes barbare kundër qytetërimit tonë, duke goditur mizorisht simbolin e tij, Amerikën, mu në zemrën e saj. Sot e përgjithmonë, 11 shtatori do të mbetet një ditë kujtese dhe vetëdijeje e botës demokratike për vlerat e paçmueshme të lirisë e të demokracisë. #GodBlessAmerica??”, shkruan Rama.
