BERAT- Teksa ka shpërndarë 400 karta antarësimi në qytetin e Beratit, kryeministri Edi Rama ka folur për ligjin e dekriminalizimit duke iu kthyer përgjigje të gjithë atyre që e akuzojnë se futi kriminelët në Parlament.
“Vrasës, trafikantë, përdhunues, të cilët jetonin të qetë dhe paguanin rentën në kupolën e Ministrisë së Brendshme, për të mos u kapur dhe tmerronin dynjanë. Dhe turreshin në fushata për llogari të atyre që na kërkojnë me të madhe dekriminalizmin. Por nuk ka problem, do votohen ndryshimet kushtetuese dhe do flasim pastaj me fakte, do ta shohim kush do jenë ata… Ku janë ata, kriminelët që do kapi ligji. Të kujt janë dhe ku janë!” Keshtu u shpreh Rama në të parin reagim konkret për akuzat e vazhdueshme të opozitës.
