Kryeministri Edi Rama ka mbledhur sot veteranët me rastin e 72 vjetorit të Çlirimit, por nuk është ndalur shumë tek ta, në fokus të fjalës së tij të gjatë ishte vizita në Gjermani dhe takimi me Kancelaren Angela Merkel. Rama tha se zgjedhjet nuk janë kusht për hapjen e negociatave Shqipëri-BE, siç raportuan mediat një ditë më parë. Sipas tij, PD-ja dhe portalet kanë kontaminuar deklatarën e Kancelares.
Pjesë nga fjala e Ramës me veteranët
Asnjëhere as në Bruksel as në Berlin nuk u përmend fjala kanabis. Kjo nuk do të thotë se unë nuk e di se në këtë luftë ka ende shumë për të bërë… Gjithashtu e dimë se krimi i organizuar është një lufte e vazhdueshme. Ndërsa për sa u përket zgjedhjeve, nuk është kusht i BE për integrimin, por kriter. Loja që bën PD-ja si macja me miun dhe portalet kanë kontaminuar deklaratën e Merkelit, duke shkruar gënjeshtra.
