Astrit Patozi ka krijuar partinë me urdhër të ish-kryeministri Sali Berisha. Akuza është bërë nga shefi i qeverisë, Edi Rama.
Duke iu përgjigjur akuzave të demokratëve se ka gisht në formimin e partisë Bindja Demokratike, Rama tha se kjo është vepër e Berishës.
“Astrit Patozin e ka futur Saliu në zgjedhje. Një çun për zgjedhje dhe një çun për në rrugë”, tha Rama.
“Na doli tani se unë paskam formuar ‘Bindjen Demokratike’?! Pse jo Saliu, se ku ndryshon Patozi nga Saliu dhe Luli. Ata merrnin pjesë në aferat e qeverisë, Astriti vinte këtu me duar në xhepa dhe u bënte avokatin. Patozin e futi Saliun në zgjedhje. Mirë cfarë hoqëm me PD, pse na u dashka të krijonim një PD tjetër tani?!“, theksoi me tej Rama
Një koment e pati dhe për Rudina Hajdarin. Sipas tij demokratët po përsërisin me të bijën atë që bënë me Azem Hajdarin kur dilte kundër.
“As e kam takuar asnjë herë, e kam parë nga distanca aty në karrige. Nuk kam komunikuar asnjëherë me Rudina Hajdarin. Këta harrojnë se çfarë ka thënë baca për Azem Hajdarin dhe tani merren me Rudinën. Unë e futa Rudinën e lista? Unë vërtet kam bashkëpunuar me Lulin por s’jemi ngatërruar për listat. Astrit Patozi madje mendon se e kam hequr unë nga listat”./Opinion.al
