Sot kryeministri Edi Rama ka prezantuar ministrin e ri të Drejtësisë, Besfort Lamallari, ku u evidentuan prioritetet e këtij institucioni gjatë 4-vjeçarit të qeverisë.
Gjatë fjalës së tij, kreu i qeverisë tha se një nga punët e kësaj Ministrie do të jetë ndërmjetësimi me Inteligjencë Artificiale i çështjeve civile të qytetarëve.
Rama tha se për shkak të për fshirjes së Inteligjencës Artificiale në disa sektorë, ministrja virtuale Diella do të ketë edhe fëmijë.
“Duhet të mendojmë për ndërmjetësimin me Inteligjencë Artificiale të çështjeve civile, që njerëzit mos harxhojnë lekë e kohë nëpër procese të pafundme kur fare mirë mund të kalojnë në procesin e ndërmjetësimit të fëmijëve që Diella do ketë së shpejti. Teknologjia dhe Inteligjenca Artificiale janë bekimi i vendeve në zhvillim. Sepse bëjmë kapërcime që nuk kurrë nuk do t’i bënim në kushtet e procesit linear”, tha Edi Rama.
