Kryeministri Edi Rama gjatë një interviste për agjencinë franceze të lajmeve AFP, është shprehur se Shqipëria e meriton hapjen e negociatave në qershor.
Kryeministri tha paralajmëroi Bashkimin Europian se tej zgjatja e procesit të integrimit po i dëmton vendet e Ballkanit.
Në lidhje me hapjen e negociatave të anëtarësimit në qershor, kreu i qeverisë tha se padyshim Shqipëria e meriton një gjë të tillë, dhe paralajmëroi se Bashkimi Europian do të tregonte “verbëri monumentale nga këndvështrimi strategjik,” nëse i hapte negociatat vetëm për Maqedoninë e Veriut.
Rama është shprehur se çështja e krimin në Shqipëri është e “fryrë”, pasi situata në Shqipëri nuk është ashtu siç trasmetohet.
“Krimi, krimi, krimi. Sigurisht që kemi një problem krimi, por jo më shumë se vendet e tjera që janë madje anëtarë të Bashkimit Europian. Ne e dashurojmë ende Europën. Ky është problemi, prandaj nuk na pëlqejnë vonesat, mllefi”, tha Rama./ Opinion.al E.Xh.
