Kryeministri Edi Rama ka reaguar në lidhje me deklaratën e Presidentit të Maqedonisë së Veriut, Stevo Pendarovski për veçimin e dy vendeve në procesin e hapjes së negociatave.
Rama e quan jo të drejtë dhe as praktike qasjen e Pendarovskit, madje ai i kujton atij kontributin e ‘kyç’ të Shqipërisë dhe shqiptarëve në zhvillimet demokratike të Maqedonisë së Veriut.
“Presidenti @Spendarovski nënkupton favorizimin e ndarjes nga Shqipëria në vendimin për negociatat?Çudi kjo qasje, sidomos kur konsideron kontributin kyç të Shqipërisë&shqiptarëve në zhvillimet demokratike&rrugën europiane të shtetit mik.S’duket as e drejtë as praktike faktikisht!” shkruan Rama në Twitter.
Presidenti Maqedonisë së Veriut u shpreh për EURACTIV një ditë më parë se ai mështet procesin e ‘decouplage’ me Shqipërinë.
“Shqipëria tani është në rrëmujë. Opozita është larguar nga institucionet dhe po bëhet më e tensionuar. Pra, çfarë mund të themi këtu? Kemi pasur rekomandime pozitive nga Komisioni më parë, dhe ne jemi ‘veçuar’“ tha Pendarovski. /Opinion.al
