Gjatë një konference për shtyp, kryeministri Rama ka deklaruar se paga e mjekëve do të rritet me 40% ndërsa e arsimtarëve 15%.
“Arsimtarëve kemi detyrimin që t’ ju japim një mbështet të fortë për të shpërblyer mundin dhe profesionalizmin. Paga për bluzat e bardha do të rritet 40%, rritja më e madhe historike. Paga për arsimtarët do të rritet 15%”, tha Rama.
Më parë kryeministri kishte deklaruar se sa do të ishte rritja e pagave të mjekëve ndërsa sot ishte hera e parë që ai dha informacion për rrijen e pagave të arsimatarëve.
Kryeministri shtoi se fondi i pagave gjatë 2 mandateve të tij qeverisëse është rritur me 260 milionë dollarë.
“Me një numër punonjësish në sektorin publik që është më i vogël se një numër punonjësish në vitin 2013, fondi i pagave është rritur nga 450 milionë dollarë në 710 milionë dollarë sot. Duke përfshirë edhe rritjen e sotme. Që do të thotë 2 mandate qeverisëse të atyre që, nuk e di ku e gjejnë kurajën të rikthehen, dhe dy mandate tona, është thuajse dyfish fondi i pagave”, deklaroi Rama./ Opinion.al
