Aktualitet

Rama: Paga mininale 400 mijë lekë, në 1 Janar heqim taksën mbi këtë pagë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:19 - 15/03/21 |
Opi Nion

Kryeministri Edi Rama këtë të hënë po prezanton programin pagat, taksat dhe biznesi në planin e veprimit 2021-2025 për zgjedhjet e 25 prillit.

Gjatë aktivitetit,  Rama deklaroi këtë të hënë se synimi i qeverisë në përfundim të mandatit të tretë është që paga minimale të shkojë në 400 mijë lekë. Po ashtu, kreu i qeverisë tha se nga janari i vitit të ardhshëm do të hiqet taksa mbi pagën aktuale deri në 400 mijë lekë.

Reformat kanë hyrë në rrugë. Rruga e tyre është e gjatë e mundimshme dhe vetmja forcë që mund ta bëjë këtë jemi ne unë dhe Partia Socialiste. Vizioni ynë mbështetet në një plan veprimi sektor për sektor. Plani ynë i veprimit është një plan qeverisës. Programi i tyre elektoral është një menu dëshirash të miletit “ta hajë kush ta hajë”. Si gjithmonë. Ne kemi sot në planin tonë atë që do të bëjmë dhe do të bëjmë nesër atë që themi sot. Kemi një program qeverisës “Shqipëria 2030. Jo një plan për të joshur elektoratit. Ata ulin sigurimet dhe rrisin pensionet. Ne I duam votat për të vazhduar rrugën e re të hapur, ata kanë zgjedhur rrugën e vjetër me premtime KÇK.

Sot dua të themi se çfarë do bëjmë konkretisht. Unë dua të fokusohem te hapat konkretë për taksat.  Masat tona janë të studiuara dhe të planifikuara për t’u zbatuar. Të tyret janë premtime për t’u lëshuar për t’i marrë era e vjeshtës. Në atë çadër janë mbledhur të gjithë çufot dhe bubat kaçurrelë. Sot e kemi pagën minimale 300 mijë lekë. Është shumë më shumë se ishte duke e rritur çdo vit. Ne synojmë ta çojmë pagën minimale në 400 mijë lekë deri në fund të mandatit të tretë. Por duke nisur nga 1 Janari i vitit 2022 ne do ta heqim taksën mbi pagën aktuale deri në 400 mijë lekë. Kjo do të thotë që duke nisur nga viti i ardhshëm 63% e të punësuarave të Shqipërisë nuk do kenë taksë mbi pagë.”, tha Rama./Opinion.al

Pas