Pas njoftimit të Kryeministrit Rama se do të niste procesin gjyqësor me gazetarin Peter Tiede, ka reaguar edhe Martin Henze, këshilltar pranë partisë së kancelares gjermane Angela Merkel.
Ashtu si dhe Tiede, Henze ka komentuar të Twitterin e Ramës duke paralajmëruar se ai do të jetë së shpejti përpara gjykatave si i akuzuar. Ai gjithashtu përmend ish shefin e policisë sekrete të Gjermanisë Lindore, që i thoshte popullit se i donte të gjithë, por nga ana tjetër dihet reputacioni famëkeq që kishte në popull ky shërbim. Henze gjen vend edhe të përgëzojë bashkatdhetarin e tij për punën e mirë gazetareske që po bën.
“Peter, këto janë përpëlitjet e fundit të një autokracie, Zoti Rama do të jetë së shpejti para gjykatave ndërkombëtare si i akuzuar, edhe Erich Miehlke na thoshte: “Ju dua të gjithëve”. Gazeta është një nga organet më të mira të shtypit dhe ne kemi liri shtypi, Bravo, vazhdo punën e mirë”, shprehet Henze.
Më herët, Kryeministri Edi Rama u shpreh se i kishte dhënë prokurën avokatit gjerman Matthias Prinz, për nisjen e procesit gjyqësor me gazetarin Peter Tiede, pas publikimit të përgjimeve në gazetën “BILD”.
Tiede komentoi duke pyetur Ramën: Dhe pse më akuzoni ju mua? Për publikimin e vërtetë të audio-përgjimeve të BILD”. /Opinion.al
Peter, these are the last twitches of an autocracy,Mr.Rama will soon meet again before international courts as accused, also Erich Miehlke told us: “I love you all”.The picture is one of the best organs of publication,and we have freedom of the press,Bravo, keep up the good work,
— Martin Henze (@GSKStrategy) June 25, 2019
