Në takimin e mëngjesit me banorët e njësisë 6 në tiranë, Kryeministri komentoi ngjarjet e djeshme në Shkodër, ku mbështetës së opozitës protestuan kundër mbajtjes së mitingut elektoral të Partisë Socialiste.
Sipas Ramës sjellja e djeshme ishte e papranueshme pasi sipas tij mes PS dhe PD nuk ka patur asnjëherë përplasje për zhvillimin e mitingjeve. Ai i cilësoi përfaqësuesit e opozitës që morën pjesë dje në protestë “si enveristët e 91’”. Kryeministri akuzoi kryetarët e bashkive të opozitës se i bëjnë presione administratës për të marrë pjesë në protesta.
“Është e çuditshme se edhe në momentet më të, më kujtohet në zgjedhjet e 2009, edhe pse bënin rezistencë për skenën e bulevardit, nuk ka ndodhur asnjëherë që PD-PS të përplasen. Edhe në mitingun e fundit që në kohën që mbaj mend unë që ishte Fatosi negociohej, do e marrësh ti apo unë sheshin “Nënë Tereza” dhe bëhej negociatë, tani që i bën thirrje popullit të bllokojë kryeministrin që të futet në qytet e të rrezikosh. Është njësoj si enveristët e ‘91. Që krijonin 200 300 veta e shkonin te mitingjet e PD, një turp i madh, njësoj. Imagjinoni t’ja bëjnë Lulit, që ti nuk vjen, është skandal. Manipulojnë punonjësit e bashkive, u thonë dil se do të heq nga puna dhe flasin këta për…”, tha Rama.
Kreu i qeverisë nuk la pa përmendur në këtë takim as Presidentin Meta duke thënë se me dekretin që anulloi datën e zgjedhjeve bëri një gabim fatal.
“Ka bërë edhe punë të mira, nuk mund t’ja mohosh, por ka gjithë këto ditë s’ka thënë asnjë gjë kundër dhunëns. Ajo që bëri me dekretin ishte gabim fatal për të, nuk e bën kurrë një President atë. Sepse ai është si hëna, rrotullohet, herë e plotë dhe herë e qërruar”,- u shpreh Rama. /Opinion.al
